Ritza Vieux - Jan 1 2004:

Jodia 1e Janvye 2004
Aysyen lévé kempé
Nou pasa rété chita
Fok nou youn bay lot lanmen
Pou nou sa sové démen.

Nou gen yon chemen long kap tan nou
Nou pasa rété domi
Fok nou boujé se devwa nou
Pou nou sové Ayiti.

Jodia sé fèt péyi nou
Péyi zansèt nou té bannou
Men se fèt tout nasyon ki anba chen
Kap lité kap kryé
Pou yo sa jwen libèté.

Ayiti sé péyi mwen
Ayiti sé péyi ou
Ayiti sé péyi nou
An nou maché men dan la men.

An nou sonnen kloch endépendans lan
An nou sonnen kloch lanmou an
An nou sonnen kloch dévlopman
An nou raché manyòk touman

Viv Ayiti lib é libè
Viv Ayiti, bèl fenm chelbè
Viv tout Ayisyen konsékan
Viv anko é pou tout tan.

Ritza Vieux, 1er janvier 2004.